O FALAR NON TEN CANCELAS

  Este 8 M a Banda da Loba escolleu a mítica figura de Pepa a Loba para regravar este tema que visibiliza a unha das mulleres da nosa cultura. Xa o dicía Rosalía "cal loba doente e ferida" pois a "Xustiza pola man" ecoa nos versos deste tema das nosas artistas. Grazas unha vez máis pola música para un día que todas desexariamos non ter que celebrar.

 Este curso 2021-2022 o día de Rosalía de Castro foi o 23 de febreiro.  A proposta da AELG foi que traballaramos os versos máis pensativos e retóricos nos que Rosalía traslada aos lecotres e ás lectoras as súas dúbidas existenciais e vitais. De aí este mural tan xeitoso que adornamos con versos e pensamentos que deseñaron en plástica o alumnado de 1º ESO e Horacio. Grazas tamén a todos/as os que participastes coa montaxe e colaboración para que un ano máis se fixera visible a poesía da máis grande das nosas escritoras ROSALÍA DE CASTRO.