O FALAR NON TEN CANCELAS

 Un curso máis a visita de maio a Celanova tivo lugar cun grupo de 3º da ESO que pasou un día fabuloso en terras de Curros e puido disfrutar das actividades organizadas polo departamento de música, galego e o Concello de Celanova que tiña todo ben programado: Casa dos Poetas Biblioteca do IES Celso Emilio Praza Maior, mosteiro, Órgano Vilanova dos Infantes Castromao

 Este 2025 as Letras Galegas foron dedicadas ás cantareiras e pandereteiras para visibilizar o papel da muller como transmisora do noso patrimonio inmaterial entre outros motivos. Sen dúbida a música tradi está máis de moda ca nunca entre os artistas galegos de hoxe, non só as Tanxugueiras, Fillas de Casandra ou Xabier Díaz, senón tamén artistas coma os que visitaron o noso centro, por exemplo: Xisco Feijoo ou Mondra, manteñen viva a nosa tradición adaptándoa cada un dun xeito singular e único. No noso IES son moitos os alumnos/as que se dedican no seu tempo de lecer a cantar ou tocar, xa que a Vila conta con conservatorio e escola de gaitas como dous dos varios axentes dinamizadores da cultura na vila. As nosas pandereteiras, dende as pequenas de 1º ESO ata as rapazas de Bacharelato: Mencía, Nía, Aldara, Naila, Daniela, Antías, Sandra, Iria e Estela foron as protagonistas da Foliada das Letras tocando e interpretando na praza Maior de Xinzo de Limia as cantigas que recolleu o alu...

 O alumnado de 3º ESO do IES LAGOA DE ANTELA, ten a sorte de poder asistir un ano máis ao concerto de órgano no mosteiro de Celanova. Ademais aproveitamos para visitar a Casa dos Poetas e achegar un chisco máis á figura de Curros, á Biblioteca do IES de Celanova, para coñecer a Celso Emilio Ferreiro e facer un pequeno roteiro pola vila. Non deixamos tampouco de visitar o pequeno templo de San Miguel, erguido ao carón do penedo de sacrificios celta, como bo mostra de cristianización de ritos pagáns. Recitados do alumnado e órgano

  Noemí, da Arca da Noe, fixo posible que o artista brasileiro, Sérgio Tanus e a Marta Bravo viñeran cantar para o alumnado de Lingua Portuguesa deste e doutros cursos. Foi un concerto no que a música achegou a Galiza ao Brasil a través de distintos ritmos musicais: pop, soul, funk... E como non hai dous sen tres ou sen catro... unha parella de brasileiros de Minas Gerais, acompañaron aos artistas anteriores e interpretaron tamén algunha peza. Todo un luxo de voces.   

Cargando…

  Este xoves 12 de maio, no mes das Letras Galegas 2022 o alumnado do IES Lagoa de Antela e Cidade de Antioquía en cadansúa sesión tiveron o pracer de achegarse a historia da nosa poesía desde o plantexamento tan diferente e atractivo que propón o docente e artista Leo Arremecaghoná . Agradecidas que estamos de contar co seu espectáculo e o seu saber no eido da poesía. Así comezou a visita

O alumnado de 1º da ESO na semana da poesía estivo moi creativo, déuselles por recitar e moitos fixérono xenial. Incluso se animaron a participar no concurso de videopoemas que organizaba o ENDL e a  Biblioteca do IES. Mirade a ver cal vos gusta máis. Podedes deixar un comentario dicindo cal é o voso favorito.

 Música para o 25 M. Para que ningunha outra muller teña sufrir nesta socieade onde se instaura o micromachismo en cada xiro da vida de moitas de nós. 

 Dámosvos a benvida ao novo blog de Dinamización do IES Lagoa de Antela cun tema con forza e coraxe que defende a nosa cultura e a nosa identidade a pesar dos moitos atrancos  ao longo da nosa historia.