O FALAR NON TEN CANCELAS

O  venres 5 de decembro, Cándido Paniagua volveu ao seu IES, da man da nosa xefa de estudos, Ana Escudera, profesora do escritor na súa etapa no centro. Foi un verdadeiro pracer escoitalo falar dos segredos da súa obra: 48 horas, lectura que enganchou ao noso alumnado de 2º da ESO, que lle tiñan un montón de preguntas gardadas sobre a historia da novela. Tamén nos contou en primicia que está a piques de publicar outra novela, para adultos desta vez, pero que tamén ten pensado seguir publicando para os adolescentes. GRAZAS POR TODA A XENEROSIDADE E POR ESA CALMA E AMOR POLA ESCRITA QUE LLE TRANSMITICHES AO ALUMNADO.                                                     

 Este luns 26 de maio visitou o IES Lagoa de Antela Raquel Fernández Fernández , acompañada polo noso comercial da Editorial Xerais que sempre nos ofrece algunha actividade para que o alumnado se achegue aos escritores e escritoras dos libros que len. Neste caso foi o alumnado de 3º da ESO os que charlaron activamente coa escritora de I`m Obelix , unha obra necesaria para que todos coñezamos de primeira man o sufrimento dos nenos e nenas que sofren acoso na escola. Novela realista e escritora moi empática que estaremos encantada de volver ter no noso centro.

  Este venres, 8 de maio, o alumnado de 4º ESO puido ir ata a Ínsua dos Poetas no Carballiño para recoller os premios polas súas creacións literarias coas que participaron no concurso que organizaba a Asociación para conmemorar o ANO CASTELAO. Isaac e Nerea foron os preniados do IES Lagoa de Antela e acompañodos da súa profesora Carme Gómez que os soubo inspirar.  Aparecen máis abaixo lendo os seus textos.

Rosa Alonso, co seu alumnado de 2º Bac, estivo no mes de maio facendo uns posters con textos representativos da literatura do século XX en Galicia e logo tamén fixeron podcast deses mesmos textos. Loli Cid · LITERATURA GALEGA SÉCULO XX

A novela Velloucas a& minchas ,  de Lorena Conde da editorial Cuarto de inverno ,  foi  III Premio María Victoria Moreno de Literatura Xuvenil. Esta novela inspirou o alumnado par afacer un xogo: E tamén inspirou as alumnas de 2º C que fixeron unha película por capítulos do libro que leron con Noe e este foi o resultado:

  O alumnado de Lingua e Literatura Galega de Carme Gómez de 1º de Bacharelato, estivo durante este curso realizando documentais para traballar as distintas épocas literarias da nosa literatura desde a IM ata o Rexurdimento. Vede aquí algunha das propostas, seguro que aprenderon un montón e dunha maneira ben  creativa!!! UN RAP MEDIEVAL HISTORIA DO HIMNO DE GALICIA UNHA VIAXE NO TEMPO

  Este curso 2023-2024 Carme Gómez botou a andar co alumnado de 4º ESO un ambicioso proxecto de produción audiovisual que deu como froito unhas curtametraxes e reportaxes baseadas en textos da literatura do século XX que son moi bos. Noraboa a todos por este gran resultado. Primeiro deixamos a curtametraxe Coma Lobos , xa que os autores e autoras a presentaron ao concurso de videocreación das Letras 2024 do noso IES e resultaron gañadores. Noraboa Brais, Miriam, Valentina, Antía!!! Agora ofrecémosvos o reprodutor con todos os vídeos do proxecto que puidemos publicar para que disfrutedes coma nós da nosa literatura e o talento do noso alumnado.

Booktrailer de Corredora Daniel Rodríguez Yáñez de 3º C

  Neste canva deixamos o material do Scape Room que imos facer co noso alumnado no IES Lagoa de Antela para descubrir máis sobre a vida de ROSALÍA DE CASTRO. Están todas as tarxetas informativas do xogo, paneis de pistas, paneis de retos e só necesitades preparar catro chaves en goma eva o u cartulina, que é o que conseguen unha vez superen o reto de cada etapa vital da escritora.  Tamén aparece a ficha de rexistro de respostas do alumnado e a de corrección do profesorado. Unha idea. Eu teño pensado poñer a folla de corrección ao final do percorrido e se non lles coincide pois teñen que ir repetir os retos que lles saíron mal. Turquesa Hojas Ilustración Horizontal Pensando en Ti Notecard de Loli Cid

  Gráfico Mapa mental pizarra con notas Doodle Marron de Loli Cid

  O alumnado de Rosa Alonso estivo investigando sobre a nosa literatura do século XX e crearon esta revista literaria que xa tedes á vosa disposición neste blog como guión para que poidades coñecer os nosos escritores e escritoras e as súas obras. LIGAZÓN PARA VER A REVISTA

O alumnado do IES Lagoa de Antela acudiu con alumnado doutros centros da provincia ás tertulias literarias no Liceo de Ourense. Grazas á organización por parte do Concello de Ourense e da Deputación, a rapazada puido conversar da novela Golpes de Luz coa súa autora, Ledicia Costas.

  O venres 22 de maio visitou o IES Lagoa de Antela a contacontos, actriz, escritora...                                     Paula Carballeira Algúns momentos da contada...

 Para celebrar o Mes das Letras o autor de Maxia de Pedra visita o seu antigo instituto e conversa da máxia da escritura cos nosos alumnos e alumnas.

O alumndo do IES Cidade de Antioquía e do IES Lagoa de Antela botáronse á rúa para celebrar con todos os veciños da vila de Xinzo de Limia as Letras Galegas deste ano. Os versos de Florencio Delgado viñeron dereitiños dos bacelos de Córgomo, Valdeorras, á chaira da Limia para encher de verbas lindas os beizos de rapazada e adultos que se ofreceron a recitar os versiños do noso homenaxeado. Tras unha mañá de entrevistas para o programa Aquí A Limia os nosos reporteiros conversaron con distintas persoas para demostrarnos que a lingua galega nos une a todos e todas nesta festa que nos enche de orgullo. Parabéns a aqueles que participastes e colaborastes co noso alumnado.  O alumnado dos nosos centros tamén recitou algúns versos de Florencio no Instituto. Mil grazas aos que participastes!!!

  Este xoves 12 de maio, no mes das Letras Galegas 2022 o alumnado do IES Lagoa de Antela e Cidade de Antioquía en cadansúa sesión tiveron o pracer de achegarse a historia da nosa poesía desde o plantexamento tan diferente e atractivo que propón o docente e artista Leo Arremecaghoná . Agradecidas que estamos de contar co seu espectáculo e o seu saber no eido da poesía. Así comezou a visita

 O alumnado de 2º da ESO pasou un intre divertido con esa princesa tan pouco princesa!! E puideron reflexionar sobre a anacronía duns reis sobreprotectores e mandaricas ou sobre a liberdade de escolla da muller nunha sociedade un pouco máis moderna. Grazas a Raquel Castro por darlle unha volta ao clásico de Disney e facernos pensar un chisco. Traballos das exposicións que fixeron sobre a obra de teatro as alumnas de 2º ESO B María Aitana e Antía Sandra

 O alumnado de 2º da ESO C e D tamén celebrou o mes da poesía con recitado e edición de vídeo na que deixaron voar a imaxinación para compoñer os seus traballos e solidarizarse coa dor do pobo ucraíno.

  Materiais sobre o autor RAG Primavera das letras (caderniños chulos e actividades interactivas) Seminario Galán Listaxe do portal da  Lingua de actividades dinamizadoras de diferentes centros de Galicia Telexornal Florencio - CPI Os Dices Biografía San Pío X, Ourense Vídeos da RAG Escolma de versos para fotografía - 4º ESO Escolma de poemas do autor para traballar co alumnado O caderno de actividades sobre a exposición das Letras de 2022