O FALAR NON TEN CANCELAS

Este curso 2023-2024 o patio interior do edificio de FP Básica deu un xiro e o profe Iván Fernández, xunco co seu alumnado de 1º, decidiron desfacerse do mato que cubría o patio e facer unha horta fermosísima na que cultivan verduras e froitas que empregan nos seus pratos. Así quedou:   Por este motivo decidimos poñer en marcha un proxecto educativo no que se implican as familias e o alumnado de 1º da ESO e que chamamos DA HORTA Á MESA. Nun primeiro momento o alumnado visitou a horta para coñecer que alimentos temos alí. E coa axuda de Iván fómonos familiarizando con todos. Nun segundo paso o alumndo fixo unha investigación sobre un alimento da horta que presentamos nas vidreiras da horta do cole para que toda a comunidade saiba que temos plantado. Grazas a Lucía Parente, a profe de bioloxía, que nos botou unha  man coas cuestións máis técnicas. ficha da horta de Loli Cid O terceiro paso foi facer unha pequena investigación familiar e entrevistar as avoas/avós para...

20 de maio de 2024 o alumnado de portugués non vai esquecer este lindo concerto do brasileiro NANAN .  Unha actividade máis que organizamos entre os dous IES da Limia e que desta volta ocorreu no patio do Cidade de Antioquía. O alumnado hoxe comentou que gostou muito do concerto!!!! Na súa canle de Youtube podedes seguir a escoitalo. OBRIGADÍSIMAS  NANAN. ADORAMOS A SÚA MÚSICA!! SORTE DE ALUMNADO!!!  

  A xente de portugués do Lagoa e do Cidade está de sorte!!! Concertazo o luns pola tarde. Grazas Noe outra vez por facilitar esta actividade. Live Concert (Your Story) de Loli Cid

Outro día das LETRAS GALEGAS e outra vez máis os nosos reporteiros abordaron a xente da rúa da vila de Xinzo para xogar a descurbir máis sobre a nosa escritora Luísa Villalta. De momento aí vai a cabeceira do programa.

 A exposición tan innovadora das Letras deste ano está montada desde finais da semana pasada para traballar con ela no noso IES. Ademais no medio algunha fotiño de poemas que compuxo o alumnado de 4º con títulos de libros e a produción dos murais de Luísa para a vila.

  Este ano 2024 a poesía da escritora homenaxeada Luísa Villalta, saíu do IES para tomar a Praza Maior de Xinzo.  En colaboración co concello de Xinzo e coa organización do departamento de EPV e Horacio, foi posible que en tempo récord se armaran unhas lonas con poemas da escritora, executados por alumnado de diferentes niveis ( 1º ESO, 4º ESO, BAC, e Noel) para poder levar ata a vila e que toda a veciñanza coñeza os seus textos.  Alí os deixamos, coa axuda de alumnado de 1º e 2º da ESO que recitaron os versos e fixeron que a nosa lingua soara en todos os recunchos da praza. Agradecer tamén ao xornal local que veu a visitarnos e aos representantes do concello que tamén compartiron a xornada connosco.

 M aría Lado e Lucía Aldao no IES Lagoa de Antela.  O dúo poético-musical deleitou ao alumndado de 1º BAC, 4º ESO e 2º ESO cos seus recitados musicais. Ademais realizaron un centón colectivo con versos de autores galegos de todos os tempos.

 O alumnado de 3º ESO do IES LAGOA DE ANTELA, ten a sorte de poder asistir un ano máis ao concerto de órgano no mosteiro de Celanova. Ademais aproveitamos para visitar a Casa dos Poetas e achegar un chisco máis á figura de Curros, á Biblioteca do IES de Celanova, para coñecer a Celso Emilio Ferreiro e facer un pequeno roteiro pola vila. Non deixamos tampouco de visitar o pequeno templo de San Miguel, erguido ao carón do penedo de sacrificios celta, como bo mostra de cristianización de ritos pagáns. Recitados do alumnado e órgano

Como vén sendo tradición nas Letras Galegas, facemos sempre unha actividade no centro da vila de Xinzo para que alumnado e veciñanza xoguen a descubrir a obra e a figura homenaxeada. Este curso tocoulle á coruñesa Luísa Villalta. Aquí o guión de traballo na rúa e poemas para recitar. TV DAS LETAS 2014 de Loli Cid