DA HORTA Á MESA

Este curso 2023-2024 o patio interior do edificio de FP Básica deu un xiro e o profe Iván Fernández, xunco co seu alumnado de 1º, decidiron desfacerse do mato que cubría o patio e facer unha horta fermosísima na que cultivan verduras e froitas que empregan nos seus pratos. Así quedou:

 

Por este motivo decidimos poñer en marcha un proxecto educativo no que se implican as familias e o alumnado de 1º da ESO e que chamamos DA HORTA Á MESA.

Nun primeiro momento o alumnado visitou a horta para coñecer que alimentos temos alí. E coa axuda de Iván fómonos familiarizando con todos.

Nun segundo paso o alumndo fixo unha investigación sobre un alimento da horta que presentamos nas vidreiras da horta do cole para que toda a comunidade saiba que temos plantado. Grazas a Lucía Parente, a profe de bioloxía, que nos botou unha  man coas cuestións máis técnicas.

ficha da horta de Loli Cid

O terceiro paso foi facer unha pequena investigación familiar e entrevistar as avoas/avós para saber como son as súas hortas. Así nolo contaron:

ENTREVISTAS COS AVÓS/AVOAS

O cuarto paso foi poñerse á cociñar un prato con produtos da horta xunto coas avoas, para aprender un prato tradicional e conversar un chisco cos nosos avoíños/avoíñas. 

Este foi o resultado:

AS VIDEORRECIETAS DAS AVOAS

O LIBRO DAS RECEITAS

Por último decidimos facer  unha exposición no centro, nas vidreiras da horta. Alí poderemos consultar a información sobre o que temos plantado, pero tamén poderemos ler as receitas que fixeron as avoas do noso alumnado. Ademais decidimos incorporarlle un código QR por se alguén quere ver o vídeo da receita. 

TOTOS DA EXPOSICIÖN.....................

SÓ ME QUEDA AGRADECER O GRAN TRABALLO DAS FAMILIAS, NENOS E NENAS, PAIS E NAIS E AVÓS E AVOAS. GRAZAS POR FACER POSIBLE ESTE PROXECTO TAN FERMOSO.

TAMÉN AGRADECER A IVÁN QUE TRANSFORMARA ESTE ESPAZO DO NOSO CENTRO, PORQUE AGORA DÁ GUSTO MIRAR PARA O PATIO INTERIOR.