O FALAR NON TEN CANCELAS

O alumnado de 3º ESO participou coas súas nadaliñas no concurso de Nadal deste curso 2022-2023. Aquí unha mostra:  Aquí están os gañadores e a gañadora.

  CORREDORES DE SOMBRAS: LUZ NA MEMORIA Este é un proxecto de investigación sociocultural sobre a época na que trancorre a novela  Corredores de sombras  de Agustín Fernández Paz. OBXECTIVOS Investigación sobre a nosa historia de comezos do século XX a ver se somos quen de desfacernos das sombras que habitan os corredores da memoria das persoas que padeceron a traxedia da Guerra Civil. Traballar en equipo na procura, selección e interpretación da información. Transmitir de forma oral as conclusións da investigación Entrevistar as familias para conseguir percorrer os corredores da memoria e poñer luz a unha época con tantas sombras. TEMAS DE INVESTIGACIÓN ANTES DA GUERRA CIVIL As Irmandades da Fala O Partido Galeguista A II República en Galicia O Estatuto do 36 A GUERRA CIVIL EN GALICIA Golpe de estado do 36 O ditador, Francisco Franco A falanxe Os caciques Os paseos. Os fusilados. As cunetas As fosas comúns Os exiliados Os Fuxidos  A represión cultural. Censura, quei...

 Un curso máis o noso Nadal pasa por ligar o estudo do vocabulario propio destas datas coas novas tecnoloxías e por iso este ano tocou a gamificación. Grazas ao Genially e ao Canva deseñamos unha Oca do Nadal e as tarxetiñas para que a rapazada puidera xogar. FICHAS DE XOGO

 

Un ano máis o proxecto Nós tamén cociñamos déixanos agasallos fantásticos. Este proxecto máis alá de traballar o léxico das comidas e dos alimentos en xeral, implica as familias no proceso de ensinanza aprendizaxe. A veces as receitas son conxuntas, a veces a familia cociña e o alumnado explica e os máis valentes fano soíños: cociñan, gravan e deixan todo limpiño. A actividade ten sempre moi boa acollida e todos e todas nos queren amosar o ben que se lles dá facer a comida.  Aí vai un reprodutor cuns cantos exemplos.

Este curso a compañeira Rosa Alonso enleounos nun Proxecta Monte Vivo ben bonito.  A primeira actividade que realizamos foi co alumnado de 2º da ESO, que tivo a sorte de pasear polos montes de Trandeiras ao castelo de Pena da man do Forestal Santos, un libro aberto de sabedoría. Falounos da orixe do Mosteiro, de orientación no monte, da contaminación, da comarca da Limia, dos bosques terapéuticos, de lendas, de toponimia, de árbores (as súas doenzas, as árbores propias da zona, as árbores con propiedades medicinais), ensinounos unha fonte romana e quen sabe cantas cousas máis. Neste vídeo dun dos alumnos de 2º ESO C, Jeremy Oloya, compartimos a experiencia con todos vós.

 Van chegando os traballiños tan chulos da xente máis lectora e creativa nesta 1ª avaliación.