O FALAR NON TEN CANCELAS

  Un novo curso e o outono vainos traendo a primeira festa do calendario. Xa está pretiño o Día dos Defuntos e a noite de Samaín. Este ano imos celebralo no IES e xa podedes ir preparando os vosos contos de medo e mais as vosas representacións sobre as tradicións galegas que se celebran nestas datas!! CONCURSO DOBRE: REDACCIÓN E MICROTEATRO!! concursos de samaín de Loli Cid

Este curso temos moitas aulas nas que  vai chagando alumnado de  Sudamérica e lonxe de ir aprendendo o galego arrastran a moito alumnado a falarlles castelán. Se a isto sumamos que a comarca, sobre todo a vila cada vez está máis castelanizada... pois iso levounos a poñer en marcha este Proxecto. PARTICIPAS????? Pasos a seguir .   1º) Un alumno/a galegofalante debe buscar un alumno/a non galegofalante e apadriñalo ou amadriñalo.   2º) Para iso debe comunicarllo ao docente de galego.   3º) Cada semana os padriños e madriñas terán un reto, que vai ser ensinarlle pouco a pouco vocabulario e expresións útiles para expresarse en lingua galega.   4º) Ao final da semana ambos alumnos/as deben gravar unha pequena conversa na que se vexa aprendizaxe desa semana.   5º) Os vídeos poden difundirse polas redes sociais propias e ao mesmo tempo deben de enviarse ao correo de normalización para podelos ir xuntando todos na nosa canle de You...

 Comezamos o novo curso mais aínda neste 2025, por iso imos publicar algunhas cousiñas que quedaron pendentes do curso pasado. Sen dúbida, a actividade que máis disfrutei como coordinadora foi a das LETRAS GALEGAS. Foi moi especial este ano. Recoller as cantigas, acompañar as nenas nos ensaios, ver os maiores emocionados cando tocaron as rapazas, ver os compañeiros todos xuntos para sacar adiante as letras e os códigos QR para que a xente da vila puidese escoitar as cantigas polos bares... Emocionante. Dixamos algúns vídeos do día 16 de maio na vila de Xinzo. Vídeo das imaxes máis lindas destes días de traballo: 

O alumnado de 1º BAC fixo uns documentais na materia de Lingua Galega, na que poñen no punto de mira temas como: a crise da vivenda, a vida de antes fronte a de agora, o entroido ou a problemática de Altri.

Entrevista de Roi Mellado a Xisco Feijoó, cantante e bailarín galego, cunha ampla traxectoria na música tradicional galega.   Fíxose tardar pero o alumno finalmente a través da súa profesora fíxonos chegar esta fermosa entrevista. Sen dúbida Roi é un dos alumnos máis activo do EDLG e con máis inquietudes e preocupacións culturais e de identidade.  Desexámoslle moito éxito no seu novo centro de ensino. Grazas por todas as achegas. RadioLagoa · Entrevista Xisco

Este curso o alumnado de 2º da eso estivo facendo un traballo de campo sobre as partes da casa tradicional galega e saíu unha chea de vocabulario interesante. Aquí deixamos os primeiros traballos achegados pola profesora Rosa Alonso.

 Outro curso o alumnado de 4º ESO traballou a edición de vídeo partindo de textos literarios coa súa profesora Carme Gómez. Nerea e Paula presentaron a súa curtametraxe ao concurso de audiovisual das Letras Galegas e resultaron gañadoras. LLLLLLLLLLLLLLLLLLLLLLLLLLLLLLLLLLLLLLLL Dúas curtametraxes máis, a de Santiago e Guillermo e a de Miguel, Tomás e Sebastián obtiveron tamén un recoñecemento polo seu bo traballo. HUGUILIUS ( Santiago e Guillermo)